• EcolePechmaty
  • Jardin
  • Ecolepech
  • Pech2
  • Planation
  • 1calandretaCarcassonne
  • Landart
  • Vendanges 2015 3
  • Jardin2
  • Calandreta Carcassonne1
  • Totalfestum2014
  • Ruche

Journée tambourin à Béziers

Jornada inter-Calandretas de Besièrs Lo dijòus 2  de junh de  2016 sèm anats a Besièrs per participar al grand tornèg inter-Calandretas.
Coma escòlas i aviá, Besièrs, Carcassona, Narbona, Sijan e Agde ! I aviá mai de 280 calandrons !
Avèm començat per de partidas de qualificacion per poder jogar las fasas finalas.
Dins lo tornèg dels CM, la còla Pech Reial arribèt en mièja finala. Dins la còla i aviá, Alex, Zacharie, Carlòta, Charleen, Margaux e Arthur. La còla Pech Clan arribèt ela en quart de finala. Aquí i aviá, Sahel, Célian, Lison, Lyla, Célia e Amandine. La còla Palheta capitèt pas de se qualificar per las fasas finalas. I aviá Saël, Lola, Adrien, Charlyne, Nil e Marie. Cada còla se deviá causir un nom.   Del temps de la jornada se joguèt pas qu’al tambornet ! I aviá tanben d’autras activitats. I aviá uèit jòcs gigants de boès. Quatre jòcs amb d’elastics, que la tòca èra de faire limpar amb la man un pion de boès dins lo camp de l’adversari. Cadun  aviá quatre punts. Caliá tibar l’elastic e faire passar lo pion d eboès dins un trauc. Lo primièr dels dos jogaires qu’a fait passar sos quatre pions dins lo camp de l’autre a ganhat. Cal doncas èsser rapid e precís ! I  aviá tanben de « hockey » sus taula, un lança bola e un autre jòc ont caliá faire passar un pion en boès dins un trauc central ! a l’entorn del trauc i aviá de bocins de boès que fasián rebonbir lo pion ! Lo mai pròche del trauc  ganhava ! I aviá una darrièra taula ont caliá faire limpar los pions dins de casas a punts.   En mai del tambornet e dels jòcs de boès se passava tanben de causas al dintre del CIRDOC.   Lo CIRDOC es una bibliotèca giganta amb plen d’animators ! Lo Nicolas es vengut nos quèrre per nos prepauzar un KARAOKE tot en occitan a prepaus de la natura ! Avèm plan rigolat ! Dins un second temps nos faguèt gaitar un dessenh animat totjorn en occitan. La termatica èra totjorn la natura.   La classa dels CM1 e CM2 felicita las doas còlas de la classa del Pèire qu’arribèron en finala del tornèg dels CE ! Lo trofèu es ara en bona plaça dins la classa !   La classa dels CM1-CM2
%d blogueurs aiment cette page :